Almaty oblysynyń keden beketteriniń birinde jalǵan qujat rásimdelip, shekaradan zańsyz shyǵarylǵan taýar tárkilendi, dep habarlaidy QazAqparat.
Qyrǵyz eliniń azamaty balalar jáne sporttyq aiaq kiimderdi «Altynkól-Jol» keden beketi arqyly ótkizip, Qyrǵyzstan Respýblikasyna jetkizbek bolǵan. Ekonomikalyq kontrobanda faktisin Qarjy monitoringi agenttigi aýmaqtyq departamentiniń qyzmetkerleri anyqtaǵan.
Vedomstvonyń habarlamasyna sáikes, zańsyz ótkizilmek bolǵan taýardyń jalpy somasy 73 mln teńge. Ilespe qujattarda jalǵan málimet kórsetilip, taýarlar deklaratsiialanbaǵan. Zańbuzýshyǵa 2,2 mln teńge aiyppul salynyp, tárkilengen taýar memleket kirisine ainaldyrylatyn bolady.
