17 sáýirde Qyrǵyzstanda taǵy 23 adamnan koronavirýs tabyldy, olardyń 12-si - meditsina qyzmetkeri. Bul týraly Qyrǵyzstannyń densaýlyq saqtaý ministriniń orynbasary Nýrbolot Ýsenbaev habarlady.
Onyń sózine qaraǵanda, Bishkekte - 7, Osh oblysynda - 4, Osh qalasynda 1 meditsina qyzmetkerine koronavirýs juqqan.
"Dárigerlerge naýqas nemese meditsinalyq baqylaýda jatqan adamdardan virýs juqqan. Negizinen virýs bir-birine taraǵan" dedi vitse-ministr.
Qyrǵyzstanda COVID-19 diagnozy qoiylǵan meditsina qyzmetkerleriniń sany 116 adamǵa jetken. 17 sáýir kúngi málimet boiynsha, jalpy 489 adamnan koronavirýs tabylǵan.
