Qyrǵyzstannyń Batken oblysy Samarqandek aýylynda 14 jastaǵy jasóspirim kishi kalibrli vintovkadan bes jasar balaǵa oq atty. Bala sol mezette mert bolǵan. Bul týraly Batken oblysynyń ishki ister basqarmasyna súiengen Azattyqtyń Qyrǵyz qyzmeti habarlady.
"Adam óltirý" baby boiynsha sotqa deiingi tergeý amaldary bastalǵan. Myltyq oq atqan jasóspirimniń ákesine tiesili bolǵan. Onyń myltyqty ustaýǵa ruqsat qaǵazy bolmaǵan. Qajetti saraptama taǵaiyndalǵan.
Myltyq iesine qatysty "Qarý, oq-dárini zańsyz ainalymǵa engizý" baby boiynsha sotqa deiingi óndiris ashylǵan. Ol ýaqytsha tergeý izoliatoryna qamalǵan.
2018 jyly Qadamjai aýdanynda da osyǵan uqsas oqiǵa bolǵan. 10 jasar bala "TOZ-8" markili myltyqtan 9 jasar balaǵa oq atqan. Aqparatqa qaraǵanda, oq atqan bala myltyqty kezdeisoq taýyp alǵan. Myltyq iesiniń qarý ustaýǵa ruqsat qaǵazy bolmaǵan.
