Qyrǵyzstanda jappai tártipsizdikterdi uiymdastyrmaq bolǵandar keiin zań aiasynda jazalanady. Qyrǵyzstannyń Ulttyq qaýipsizdik memlekettik komiteti osylai málim etti, dep habarlaidy Kabar agenttigi.
Qyrǵyzstannyń Ulttyq qaýipsizdik memlekettik komitetine kelip túsken jedel aqparatta jekelegen kúshter óziniń saiasi maqsattaryna qol jetkizý úshin eldiń beibit azamattarynyń densaýlyǵy men ómirine qaýip tóndire otyryp atys qarýyn paidalanyp aýqymdy jappai tártipsizdikti uiymdastyrmaq bolǵany kórsetilgen.
Osyǵan bailanysty eldiń UQMK jáne IIM jeke quramy kúsheitilgen qyzmet túrine aýystyryldy, zańsyzdyqty tirkeý, aldyn alý jáne jolyn kesý, jappai tártipsizdikti oqshaýlaý jáne olardyń uiymdastyrýshylaryn ustaý maqsatynda vedomstvoaralyq jedel shtab quryldy.
Qyrǵyzstannyń UQMK eldegi qoǵamdyq-saiasi jaǵdaidy tez arada turaqtandyrýǵa múddeli taraptarǵa jappai tártipsizdik uiymdastyrýǵa jáne respýblikadaǵy kúrdeli jaǵdaidy turaqsyzdandyrýǵa niet bildirgen adamdardy anyqtaýǵa baǵyttalǵan ulttyq qaýipsizdik organdary qabyldaǵan sharalardy kúsheitý týraly jetkizý qajet dep sanaidy.
Qolda bar derekter qazirgi kezde ártúrli mitingilerdi uiymdastyrý saldary aýyr jaǵdaiǵa jetkizýi múmkindigin kórsetedi. Osyndai áreketterge qoldanystaǵy zańnamada uzaq merzimge bas bostandyǵynan aiyrý túrindegi qylmystyq jaýapkershilik qarastyrylǵan.
