Qyrǵyzstan UQK memlekettik komiteti ókilderi Qyrǵyzstan aýmaǵynda Halyqaralyq terroristik uiymnyń múshesi, lańkesterdi Siriiaǵa attandyrmaq bolǵan qazaqstandyq azamatty ustaǵandaryn málimdedi, - dep habarlaidy RIA Novosti vedomstvonyń baspasóz qymzetine silteme jasap.
"Qyrǵyzstan Respýblikasynyń UQK organdary Bishkekte terrorizmge qarsy ótkizilip jatqan sharalardyń aiasynda Halyqaralyq terroristik uiymnyń múshesi, 1988 jyly dúniege kelgen Mamedov Shamo Rzaulyny ustady", - delingen vedomstvonyń habarlamasynda.
UQK jedel málimetteri boiynsha, ustalǵan er adam Qyrǵyzstanǵa Halyqaralyq terroristik uiym basshylarynyń tapsyrmalaryn oryndaýǵa kelgen. "Qyrǵyzstan aýmaǵynda júrip, sonymen qatar Halyqaralyq terroristik uiymnyń tapsyrysymen Siriiada áreket jasamaq bolǵan", - dedi vedomstvodaǵylar. Mamedovqa qatysty qylmystyq iz qozǵalyp, tergeý jumystary júrgizilip jatyr. Aita keteiik, ustalǵan azamat qamaýǵa alyndy.
