Qyrǵyzstannyń Tótenshe jaǵdailar ministrligi Chon-Alai aýdanynyń shekaralyq aýyldarynan halyqty evakýatsiialap jatyr, dep habarlaidy Kabar agenttigi.
«Tótenshe jaǵdailar ministri Boobek Ajikeev Osh oblysynyń Chon-Alai aýdanyndaǵy jaǵdaidy tolyq baqylaýynda ustap otyr jáne jergilikti halyqty evakýatsiialaý jumystaryna ózi basshylyq etýde», - dep málim etti vedomstvonyń baspasóz qyzmetinen.
Ministrlik aqparatyna sáikes, saǵat 19.30-daǵy jaǵdai boiynsha, Osh oblysynyń Chon-Alai aýdanyna qarasty Kara-Myk, Jekendi, Kara-Teiit, Chýlýk jáne Shibe aýyldarynan turǵyndar Daroot-Korgon aýylyndaǵy A.Saiit atyndaǵy mektepke kóshirilýde.
Sondai-aq jergilikti halyq A.Myrzaqulov atyndaǵy orta mektepke, 44-politehnikalyq ýchilishege jáne Ortalyq meshitke ornalastyrylyp jatyr. Evakýatsiiaǵa QR Tótenshe jaǵdailar ministrliginiń aýdandyq bólimsheleri, Chon-Alai aýdanynyń basshylyǵy jáne azamattyq qorǵanys komissiiasy jumyldyryldy.
«Sonymen qatar TJM gýmanitarlyq kómekti uiymdastyrýǵa kiristi. Evakýatsiia boiynsha barlyq is-shara Tótenshe jaǵdailar ministri B. Ajikeevtiń jeke basshylyq etýimen jáne jiti baqylaýymen ótkizilýde», - dep jazady Kabar.
