Qyrǵyzstan premer-ministri Sapar Isakov memlekettik qyzmetkerlerdi 2019 jyldan bastap qyrǵyz tilin bilýge mindetteitin qaýly shyǵardy. Qyrǵyzstan úkimeti baspasóz qyzmetiniń habarlaýynsha, qujatqa sai, memlekettik qyzmetkerlerdiń qyrǵyz tilin bilýi 2019 jyly bazalyq deńgeide, 2020 jyly orta deńgeide, al 2021 jyly joǵary deńgeide bolýy tiis, dep jazady Azattyq.
Qaýlynyń oryndalýyn qadaǵalaý úkimettiń memlekettik basqarý jáne kadr jumystary bólimine júkteldi.
Qyrǵyzstan konstitýtsiiasy boiynsha, elde memlekettik til qyrǵyz tili, orys tili resmi til retinde qoldanylady.
Qyrǵyzstannyń kóptegen memlekettik mekemelerinde halyqqa orys tilinde qyzmet kórsetiledi. Qyrǵyzstandyq keibir belsendiler Bishkekte memlekettik tilden góri orys tili basym qoldanylatynyn talai ret sókken.
