Qazaqstan men Qyrǵyzstannyń Ishki ister ministrleri Almatyda kezdesti, dep habarlaidy Polisia.kz.
Naýryz aiynda Qazaqstan Respýblikasynyń Prezidenti Qasym-Jomart Toqaev pen Qyrǵyz Respýblikasynyń Prezidenti Sadyr Japarov arasynda saýda-ekonomikalyq yntymaqtastyqty nyǵaitý týraly kelisilim jasaldy.
Osyǵan orai eki eldiń ishki ister organdary shekara mańynda ornalasqan aýdandardaǵy kriminogendik jaǵdaidy jaqsartý jáne memleketter ekonomikasyn damytý úshin qolaily jaǵdailar jasaý jóninde sharalar qabyldaýda.
Kezdesý barysynda Qazaqstan men Qyrǵyzstannyń Ishki ister ministrleri Erlan Turǵymbaev pen Ulan Niiazbekov ekijaqty yntymaqtastyq máselelerin talqylap, aýqymdy taqyryptar boiynsha pikir almasty.
Kezdesý barysynda eki eldiń politsiia vedomstvolarynyń basshylary transshekaralyq uiymdasqan qylmysqa qarsy kúreste ishki ister organdarynyń birlesken kúsh-jigerin odan ári úilestirý jáne jumysyn jandandyrý, jedel, kriminalistikalyq, quqyqtyq aqparat almasý týraly niet bildirdi.
Qyrǵyzstannyń IIM basshysy Qazaqstannyń ishki ister organdaryn jańǵyrtý, sonyń ishinde politsiia qyzmetin tsifrlandyrý, qoǵamdyq tártip pen qaýipsizdikti qamtamasyz etý, vedomstvolyq bilim berý reformasy máseleleri boiynsha halyqpen qarym-qatynas jasaý, sondai-aq azamattardyń politsiiaǵa degen senimin arttyrý jáne olarmen tiimdi keri bailanys ornatý máselelerine erekshe qyzyǵýshylyq tanytty.
«Qazirgi zaman talabyna sai Qyrǵyzstanda Qazaqstandaǵy siiaqty sot-quqyq júiesin, onyń ishinde ishki ister organdaryn reformalaý boiynsha jumystar júrgizilýde. Búgingi kezdesý ishki ister organdarynyń qyzmetin reformalaý salasynda oń tájiribe almasý úshin paidaly bolatynyna senimdimin. Biz yntymaqtastyqty nyǵaitýǵa múddelimiz jáne ózara bailanysty kúsheitýdi usynamyz», – dedi Ulan Niiazbekov.
Jedel-izdestirý qyzmeti boiynsha yntymaqtastyq oń nátijeler berýde. Ótken jáne aǵymdaǵy jyldyń úsh aiynda Qazaqstanda qylmys jasaýǵa qatysy bar 35-ten astam adam anyqtaldy.
Óz kezeginde Qyrǵyzstan militsiia qyzmetkerleri izdeý jariialanǵan 17 kúdiktini ustady.
Ministr Erlan Turǵymbaev jýyrda ǵana Almatyda birlesken arnaiy operatsiia nátijesinde avtokólikter arqyly jasalǵan birneshe alaiaqtyqqa qatysy bar UQT músheleriniń biri ustalǵanyn habarlady.
Birqatar tergeý amaldary júrgizilgennen keiin ol kórshi respýblikaǵa ekstraditsiialanady. Shekara mańy yntymaqtastyǵy damýda.
Almaty jáne Jambyl oblystarynyń aýmaqtyq politsiia bólimsheleri kórshiles respýblikanyń Ystyqkól, Shý jáne Talas oblystaryndaǵy qyrǵyz áriptesterimen tyǵyz qarym-qatynasta.
«Eki eldiń ishki ister organdarynyń yntymaqtastyǵy joǵary deńgeide. 2015 jyldan bastap úilestirý jumys toby jumys isteidi, onyń quramyna ákimshilik, kriminaldyq politsiia, kóshi-qon qyzmeti jáne basqa da bólimshelerdiń ókilderi kiredi. Bizdiń mamandar birlesken operatsiialar men is-sharalardy júrgizip, qylmystardy birge zerdeleidi, qylmystyq toptardyń áreketterin, esirtkini tasymaldaýdy, zańsyz kóshi-qon arnalaryn anyqtaidy jáne jolyn kesedi. Bul baǵyttaǵy jumys toqtap qalmaýy tiis, óitkeni ishki qaýipsizdik qana emes, jalpy Ortalyq Aziia qaýipsizdigi de osyǵan bailanysty»,- dep atap ótti Qazaqstan IIM basshysy Erlan Turǵymbaev.
Taraptar eki eldiń politsiia vedomstvolarynyń qaýipsizdikti qamtamasyz etý jáne qylmysqa qarsy kúres, onyń ishinde transulttyq jáne uiymdasqan nysandar boiynsha tyǵyz bailanys jalǵasatynyn atap ótti.
