Qyrǵyzstan Jogorký Keńeshiniń depýtaty Aibek Osmonov Qyrǵyzstanda kedeishiliktiń 25 paiyzdan 38 paiyzǵa kóbeigenin málimdedi, dep habarlaidy Azattyq.
Qyrǵyz parlamenti baspasóz qyzmetiniń habaryna qaraǵanda, Aibek Osmonov bul týraly 20 maýsymda halyqaralyq ister, qorǵanys jáne qaýipsizdik pen kóshi-qon komitetiniń otyrysynda aitqan. Depýtat muny BUU málimetterine súiengenin eskertip, Qyrǵyzstanda jumys oryndaryn ashýǵa shaqyrǵan.
Buǵan deiin BUU-nyń taqyr kedeilik pen adam quqyǵy máseleri boiynsha arnaýly baiandamashysy Olive de Shýtter Qyrǵyzstanǵan baryp, qyrǵyz úkimetiniń kedeishilikpen qalai kúresip jatqanyn zerttegen. Ol qorytyndy baiandamasyn BUU-nyń adam quqyqtary boiynsha keńesine 2023 jyly maýsym aiynda usynady.
BUU sarapshysy "infliatsiia asqynyp turǵanda aqsha aýdarymdarynyń kúrt azaiǵany - Qyrǵyzstanda kúnin áreń kórip otyrǵandardyń tabysyna odan saiyn qaýip tóndiredi" dep sanaidy jáne búginde Qyrǵyzstannyń árbir tórtinshi turǵyny kedeilik sheginde otyr, 2022 jyly kúsheiip turǵan infliatsiiaǵa bailanysty ondai azamattar 35, tipti 38 paiyzǵa deiin kóbeie túsedi" dep eskertedi.
Dúniejúzilik bank esebine qaraǵanda, Qyrǵyzstan kedei elder arasynda alpysynshy orynda tur. Reiting Qyrǵyzstan halqynyń 53 paiyzy taqyr kedei ekenin kórsetken.
Qazaqstan bul esepte, bes paiyz taqyr kedeiimen 122-orynda tur. Qazaqstandaǵy kedeishilik deńgeii Nigeriia, Angola, Venesýela jáne Gabon deńgeiinde. Qazaqstan úkimeti ótken aida "adamdardyń belsendiligin tómendetpes úshin eń tómengi kúnkóris minimýmyn qaita qaramaitynyn" málimdegen.
