قىرعىزستان جوگوركۋ كەڭەشٸنٸڭ دەپۋتاتى ايبەك وسمونوۆ قىرعىزستاندا كەدەيشٸلٸكتٸڭ 25 پايىزدان 38 پايىزعا كٶبەيگەنٸن مەلٸمدەدٸ, دەپ حابارلايدى ازاتتىق.
قىرعىز پارلامەنتٸ باسپاسٶز قىزمەتٸنٸڭ حابارىنا قاراعاندا, ايبەك وسمونوۆ بۇل تۋرالى 20 ماۋسىمدا حالىقارالىق ٸستەر, قورعانىس جەنە قاۋٸپسٸزدٸك پەن كٶشٸ-قون كوميتەتٸنٸڭ وتىرىسىندا ايتقان. دەپۋتات مۇنى بۇۇ مەلٸمەتتەرٸنە سٷيەنگەنٸن ەسكەرتٸپ, قىرعىزستاندا جۇمىس ورىندارىن اشۋعا شاقىرعان.
بۇعان دەيٸن بۇۇ-نىڭ تاقىر كەدەيلٸك پەن ادام قۇقىعى مەسەلەرٸ بويىنشا ارناۋلى بايانداماشىسى وليۆە دە شۋتتەر قىرعىزستانعان بارىپ, قىرعىز ٷكٸمەتٸنٸڭ كەدەيشٸلٸكپەن قالاي كٷرەسٸپ جاتقانىن زەرتتەگەن. ول قورىتىندى بايانداماسىن بۇۇ-نىڭ ادام قۇقىقتارى بويىنشا كەڭەسٸنە 2023 جىلى ماۋسىم ايىندا ۇسىنادى.
بۇۇ ساراپشىسى "ينفلياتسييا اسقىنىپ تۇرعاندا اقشا اۋدارىمدارىنىڭ كٷرت ازايعانى - قىرعىزستاندا كٷنٸن ەرەڭ كٶرٸپ وتىرعانداردىڭ تابىسىنا ودان سايىن قاۋٸپ تٶندٸرەدٸ" دەپ سانايدى جەنە بٷگٸندە قىرعىزستاننىڭ ەربٸر تٶرتٸنشٸ تۇرعىنى كەدەيلٸك شەگٸندە وتىر, 2022 جىلى كٷشەيٸپ تۇرعان ينفلياتسيياعا بايلانىستى ونداي ازاماتتار 35, تٸپتٸ 38 پايىزعا دەيٸن كٶبەيە تٷسەدٸ" دەپ ەسكەرتەدٸ.
دٷنيەجٷزٸلٸك بانك ەسەبٸنە قاراعاندا, قىرعىزستان كەدەي ەلدەر اراسىندا الپىسىنشى ورىندا تۇر. رەيتينگ قىرعىزستان حالقىنىڭ 53 پايىزى تاقىر كەدەي ەكەنٸن كٶرسەتكەن.
قازاقستان بۇل ەسەپتە, بەس پايىز تاقىر كەدەيٸمەن 122-ورىندا تۇر. قازاقستانداعى كەدەيشٸلٸك دەڭگەيٸ نيگەرييا, انگولا, ۆەنەسۋەلا جەنە گابون دەڭگەيٸندە. قازاقستان ٷكٸمەتٸ ٶتكەن ايدا "ادامداردىڭ بەلسەندٸلٸگٸن تٶمەندەتپەس ٷشٸن ەڭ تٶمەنگٸ كٷنكٶرٸس مينيمۋمىن قايتا قارامايتىنىن" مەلٸمدەگەن.
