7-9 qazan aralyǵynda Bishkek qalasynda Qazaqstan Respýblikasynyń Qyrǵyz Respýblikasyndaǵy mádeniet kúnderi ótedi, dep habarlaidy "Ult aqparat" QR Mádeniet jáne sport ministrliginiń baspasóz qyzmetine silteme jasap.
Qazaqstan Respýblikasynyń Mádeniet jáne sport ministrligi uiymdastyryp otyrǵan Mádeniet kúnderi aiasyndaǵy is-sharalar legi mynadai:
7 qazanda «Manas» kionoteatry zalynda Qazaqstan kino kúnderiniń resmi ashylýy ótedi.
9 qazanǵa deiin Rústem Ábdirashevtiń «Almas qylysh», Aqan Sataevtyń «Tomiris», «Jaý júrek myń bala», «Anaǵa aparar jol», «Qazaq handyǵy. Altyn taq» filmderi men Turdybek Maidan men Tilek Tóleýǵazynyń «Muzbalaq», Adai Ábildinovtiń «Kúltegin» animatsiialyq filmi kórsetiledi.
7 qazan, saǵat 19:00-de T.Satylǵanov atyndaǵy Qyrǵyz ulttyq filarmoniiasynda Qazaqstan óner sheberleriniń Gala-kontserti ótedi. Kontsertte Qazaqstannyń halyq artisteri, Qazaqstannyń Eńbek Eri Álibek Dinishev, Roza Rymbaeva, Qazaqstannyń Halyq artisi Nurjamal Úsenbaeva, Qazaqstannyń halyq artisi, Qyrǵyz Respýblikasynyń eńbek sińirgen qairatkeri Altynbek Qorazbaev, Qazaqstannyń eńbek sińirgen artisi Maira Muhamedqyzy jáne Qazaqstannyń ózge de tanymal oryndaýshylary men shyǵarmashylyq ujymdary óner kórsetedi.
8 qazan, saǵat 14:00-de G.Aitiev atyndaǵy Qyrǵyz ulttyq beineleý óneri mýzeiinde Qazaqstannyń arheologiialyq artefaktileri men beineleý ónerinen syr shertetin kórme ótedi. Qyrǵyzstandyqtardyń nazaryna Uly Dala órkenietin qurýshy – kóshpendilerdiń mádeni salttarynyń ártúrli qyryn jáne aspektilerin beineleitin elimizdiń Ortalyq memlekettik mýzeiiniń jáne Á. Qasteev atyndaǵy Memlekettik óner mýzeiiniń 70-ten astam biregei jádigeri usynylady.
8 qazanda, saǵat 19:00-de A.Maldybaev atyndaǵy Qyrǵyz ulttyq Lenin ordendi akademiialyq opera jáne balet teatrynyń zalynda Ahmet Jubanov pen Latif Hamididiń «Abai» operasyn Abai atyndaǵy Memlekettik opera jáne balet teatry artisteri oryndaidy.
