Foto: ShQO ákiminiń baspasóz qyzmeti
Qyrǵyzstandaǵy Osh oblysynyń Nookat aýdanynda selden qaza bolǵan aýyl turǵyndary men týrister arasynda Shyǵys Qazaqstannyń 4 balasy bar, dep habarlaidy «Ult aqparat» ShQO ákimi baspasóz qyzmetine silteme jasap.
Qaiǵyly oqiǵa bolǵan kúni eki ul men eki qyz analarymen týystaryna qonaqqa barǵan. Týristik aimaqta júrgen sel shyǵysqazaqstandyqtardyń ómirin qiyp ketti.
ShQO ákimi baspasóz qyzmetiniń málimetine súiensek, búgin balalardyń denelerin Óskemenge arnaiy bortpen jetkizdi. Óńir ákimdiginde balalardyń týystaryna kómek kórsetý úshin jedel shtab qurylyp, oǵan barlyq qyzmetterdiń mamandary jumyldyryldy.
- Aimaq basshysy Ermek Kósherbaev marqumdardyń týystarymen kezdesti. Osy qiyn kúnderde jergilikti atqarýshy organdar men «Halifa Altai» meshitiniń qyzmetkerleri jerleý rásimin ótkizýdi óz moiyndaryna aldy. Óńirdiń kásiporyndary men biznes ókilderi otbasylarǵa kómek kórsetýge daiyn ekendikterin bildirdi. Ákimdik qyzmetkerleri men Shyǵys Qazaqstan oblysynyń turǵyndary qaiǵyly oqiǵaǵa bailanysty balalardyń týystaryna kóńil aitty, - delingen aqparatta.
Osyǵan deiin Qyrǵyzstanda joiqyn seldiń saldarynan qazaqstandyq balalardyń qurban bolǵanyn jazdyq.
