فوتو: شقو ەكٸمٸنٸڭ باسپاسٶز قىزمەتٸ
قىرعىزستانداعى وش وبلىسىنىڭ نووكات اۋدانىندا سەلدەن قازا بولعان اۋىل تۇرعىندارى مەن تۋريستەر اراسىندا شىعىس قازاقستاننىڭ 4 بالاسى بار, دەپ حابارلايدى «ۇلت اقپارات» شقو ەكٸمٸ باسپاسٶز قىزمەتٸنە سٸلتەمە جاساپ.
قايعىلى وقيعا بولعان كٷنٸ ەكٸ ۇل مەن ەكٸ قىز انالارىمەن تۋىستارىنا قوناققا بارعان. تۋريستٸك ايماقتا جٷرگەن سەل شىعىسقازاقستاندىقتاردىڭ ٶمٸرٸن قيىپ كەتتٸ.
شقو ەكٸمٸ باسپاسٶز قىزمەتٸنٸڭ مەلٸمەتٸنە سٷيەنسەك, بٷگٸن بالالاردىڭ دەنەلەرٸن ٶسكەمەنگە ارنايى بورتپەن جەتكٸزدٸ. ٶڭٸر ەكٸمدٸگٸندە بالالاردىڭ تۋىستارىنا كٶمەك كٶرسەتۋ ٷشٸن جەدەل شتاب قۇرىلىپ, وعان بارلىق قىزمەتتەردٸڭ ماماندارى جۇمىلدىرىلدى.
- ايماق باسشىسى ەرمەك كٶشەرباەۆ مارقۇمداردىڭ تۋىستارىمەن كەزدەستٸ. وسى قيىن كٷندەردە جەرگٸلٸكتٸ اتقارۋشى ورگاندار مەن «حاليفا التاي» مەشٸتٸنٸڭ قىزمەتكەرلەرٸ جەرلەۋ رەسٸمٸن ٶتكٸزۋدٸ ٶز مويىندارىنا الدى. ٶڭٸردٸڭ كەسٸپورىندارى مەن بيزنەس ٶكٸلدەرٸ وتباسىلارعا كٶمەك كٶرسەتۋگە دايىن ەكەندٸكتەرٸن بٸلدٸردٸ. ەكٸمدٸك قىزمەتكەرلەرٸ مەن شىعىس قازاقستان وبلىسىنىڭ تۇرعىندارى قايعىلى وقيعاعا بايلانىستى بالالاردىڭ تۋىستارىنا كٶڭٸل ايتتى, - دەلٸنگەن اقپاراتتا.
وسىعان دەيٸن قىرعىزستاندا جويقىن سەلدٸڭ سالدارىنان قازاقستاندىق بالالاردىڭ قۇربان بولعانىن جازدىق.
