Qyrǵyzstannyń Shý oblysynda qarý-jaraq pen oq-dári saqtalǵan jasyryn oryn anyqtaldy. Olardyń arasynan qazaqstandyq memlekettik nómir tabyldy, dep habarlaidy Sputnik Qazaqstan.
Sputnik Qyrǵyzstan aqparaty boiynsha jasyryn qoimadan mynadai zattar tabylǵan:
- atys qarýy,
- bólshektelgen Makarov tapanshasy (PM),
- Kalashnikov avtomatynyń 5,45 jáne 7,62 mm kalibrli birneshe oq-dárisi,
- Makarov tapanshasynyń 9 mm kalibrli birneshe oq-dárisi,
- Qazaqstannyń memlekettik avtokólik nómiri (KNB 13),
- qoldan jarylǵysh qurylǵy daiyndaýǵa arnalǵan zattar men aspaptar.
Qazaqstan Ulttyq qaýipsizdik komitetiniń baspasóz qyzmeti mundai seriialy qyzmettik nómir vedomstvo ieliginde joq ekenin málimdedi.
Aldyn ala málimet boiynsha qarý-jaraq pen oq-dári qylmys jasaý úshin daiyndalǵan. Qazir jasyryn jerdi kim uiymdastyrǵany anyqtalyp jatyr.
