Qyrǵyzstan prezidenti Sadyr Japarov Qyrǵyzstan respýblikasynda 1-2 mamyr kúnderin ulttyq aza tutý kúnderi jariialanǵan Jarlyqqa qol qoidy. Bul týraly Kabar aqparattyq agenttigi habarlady.
29-30 sáýir kúnderi Batken oblysyndaǵy qyrǵyz-tájik shekarasyndaǵy qarýly qaqtyǵys saldarynan kóp adam qaza taýyp, zardap shekken. Olardyń arasynda beibit turǵyndar da, áskeri qyzmetkerler de bar. Qarýly qaqtyǵys saldarynan beibit turǵyndardyń jáne zańdy tulǵalardyń múligi aitarlyqtai zaqymdalǵan.
«Osylaisha, qaza bolǵandardyń týystary men jaqyndaryna qaiǵyryp kóńil aitamyn jáne qaýly etemin:
- Qyrǵyzstan Respýblikasynda 2021 jyldyń 1 jáne 2 mamyr kúnderin ulttyq aza tutý kúnderi etip jariialansyn;
- Ulttyq aza tutý kúnderi eldiń búkil aýmaǵynda, sondai-aq sheteldegi diplomatiialyq jáne konsýldyq mekemelerde Qyrǵyzstan Respýblikasynyń Memlekettik týlary túsirilsin;
- Mádeniet mekemeleri jáne teleradiokompaniialarǵa ulttyq aza tutý kúnderi oiyn-saýyq sharalar men baǵdarlamalardy taratpaý usynylsyn;
- Qyrǵyz Respýblikasynyń úkimetine jergilikti ózin-ózi basqarý organdarymen birlesip qaza bolǵandardyń otbasylary men zardap shekkenderge kómek kórsetý boiynsha tiisti sharalar qoldanylsyn», - dedi Qyrǵyzstan prezidenti.
Qyrǵyzstan eliniń Densaýlyq saqtaý ministrliginiń sońǵy málimeti boiynsha, qarýly qaqtyǵys saldarynan 31 adam qaza taýyp, 154 adam zardap shekken.
