Qyrǵyzstan respýblikasynyń Ulttyq banki eldegi qarjy-bank sektorynyń qaýipsizdigi men qarjy-nesie uiymdary aktivteriniń saqtalýyn qamtamasyz etý maqsatynda kommertsiialyq bankter jáne banktik emes qarjy-nesie uiymdaryna 6 qazan kúni qyzmetin toqtatyp, qaýipsizdik sharalaryn kúsheitýdi usynyp otyr, dep habarlaidy "Ult aqparat" Qyrǵyzstannyń KABAR agenttigine silteme jasap.
Vedomstvonyń baspasóz qyzmetiniń málimdeýinshe, Ulttyq bank qarjy qyzmetin usynýǵa bailanysty máselelerdiń týyndaýy jaǵdaiynda qarjy uiymdaryna onlain qyzmet kórsetý (telefon, elektrondyq poshta, áleýmettik jeliler jáne messendjerler jáne t.b.) arqyly júginý qajettigin aityp otyr.
«Jumys ýaqyty, qyzmet túrleri týraly aqparat qarjy uiymdarynyń internet saittarynda qoljetimdi bolady. Ulttyq bank jaǵdaidy qadaǵalap otyr jáne qajettilik týyndaǵan jaǵdaida eldegi qarjy jáne bank júiesiniń turaqtylyǵy men qaýipsizdigin qamtamasyz etý úshin sharalar qabyldaidy», - delingen málimdemede.
