Qyrǵyzstannyń syrtqy ister ministrligi Qazaqstanda qyrǵyzstandyqtardyń ustalýyna qatysty málimetter alý úshin Qazaqstan konsýlyna nota berdi, dep habarlaidy Qyrǵyzstan vedomstvosynyń saity.
Birqatar BAQ-ta 15-16 aqpan kúnderi júrgizilgen kontrterroristik operatsiia nátijesinde Qazaqstan Respýblikasynda 29 azamat, sonyń ishinde rastalmaǵan málimet boiynsha Qyrǵyzstannyń 2 azamaty ustalǵany týraly aqparat jariialandy.
Osyǵan bailanysty ministrlik mynany habarlaidy:
"16 aqpan kúni keshke ministrlikke shuǵyl Qazaqstannyń Qyrǵyzstandaǵy elshiliginiń konsýly E.Ábishev shaqyryldy. Kezdesý barysynda E.Ábishevke Qyrǵyz Respýblikasy SIM-niń atalǵan málimetterdiń rastalýyna nemese joqqa shyǵarylýyna, rastalǵan jaǵdaida ustalǵandar týraly jáne bolǵan oqiǵanyń mán-jai týraly tolyq aqparat berýge qatysty nota tapsyryldy".
Qazaqstandyq taraptan aqparat kútilýde. Qyrǵyz Respýblikasynyń ministrligi men sheteldik mekemeleri atalǵan máseleni baqylaýda ustap otyr.
Esterińizge salyp ótsek, Qazaqstannyń Qarýly kúshteri elimizdiń tórt óńirinde iri arnaiy operatsiia ótkizip, 29 adamdy ustady. Olardyń arasynda keden jáne quqyq qorǵaý organdarynyń laýazymdy tulǵalary, brokerler, deldaldar, kriminalitet ókilderi men Qyrǵyzstannyń eki azamaty bar.
