Qyrǵyzstan Dúniejúzilik saýda uiymy men Eýraziia ekonomikalyq komissiiasyna Qazaqstannyń ústinen túsirgen shaǵymyn qaitaryp almaq niette, dep habarlaidy RIA Novosti.
Qyrǵyzstannyń vitse-premeri Tolqynbek Abdyǵulov Qazaqstan men Qyrǵyzstan shekaradaǵy jaǵdaidy rettedi dep málim etti.
"Dúniejúzilik saýda uiymy men Eýraziia ekonomikalyq komissiiasyna túsirgen shaǵymdardy qaitaryp alamyz, buǵan bizdiń quqyǵymyz bar. Biz jaǵdaidy EEK jáne DSU aiasynda retteý úshin bar múmkindikti paidalandyq", — dedi Abdyǵulov.
Vitse-premerdiń aitýynsha, Qyrǵyzstannyń úkimeti qazaq-qyrǵyz shekarasyndaǵy jaǵdaidan zardap shekken kásipkerlerdiń shyǵynyn óteý máselesin zerdelep jatyr.
