Qyrǵyzstan prezidenti Sooronbai Jeenbekov Qaýipsizdik keńesiniń otyrysyn ótkizip jatyr.
Otyrysta 7 tamyzda bolǵan oqiǵaǵa bailanysty qaýipsizdik pen tártipti qamtamasyz etý máseleleri qaralyp jatyr, dep habarlanǵan Qyrǵyzstan prezidentiniń resmi saitynda.
Jiynǵa buqaralyq aqparat quraldarynyń ókilderi shaqyrylmady.
Buǵan deiin Jeenbekovtyń Ystyqkólde demalysta ekeni habarlanǵan edi. Biraq Qyrǵyzstannyń burynǵy prezidenti Almazbek Atambaevtyń rezidentsiiasynda bolǵan jaǵdaidan keiin onyń Bishkekke qaityp kelgeni belgili boldy.
Atambaevty ustaý operatsiiasy
7 tamyzda Bishkekten 20 shaqyrym jerdegi Qoi-Tash aýylynda Atambaevty ustaý operatsiiasy júrgizildi. Arnaiy jasaq Atambaevtyń úiiniń aýmaǵyna basyp kiredi. Atambaevtyń jaqtastary úidiń ishinen olarǵa qarsylyq kórsetip, keiin belgili bolǵandai, arnaiy jasaq ókilderin kepilge alǵan.
Qyrǵyzstannyń burynǵy prezidentin ustaý operatsiiasy sátsiz aiaqtaldy.
