Qyrǵyz Respýblikasynyń Prezidenti Sooronbai Jeenbekov «Qomyz kúnin» bekitý týraly Qaýlyǵa qol qoidy, dep habarlaidy QazAqparat atalmysh el basshysynyń resmi saityna silteme jasap.
Qaýlyda atap ótilgendei, dástúrli mýzykany qyrǵyz halqynyń rýhani mádenietiniń ajyramas bóligi retinde qomyzsyz elestetý múmkin emes.
«Qazirgi tańda qomyz jańa mán-mańyzǵa ie bolýy qajet. Ol qyrǵyzstandyqtardyń mádeni alýantúrliliginiń birligi simvolyna ainalýy tiis... Osy rette, Qyrǵyzstannyń etnikalyq birlestikteriniń mádenietaralyq dialogyn keńeitý úshin dástúrli mýzykanyń rólin kúsheitý kerek», - delingen qujatta.
Atalǵan baǵytta tiisti jumystar júrgizý úshin Qyrǵyz Prezidenti el Úkimetine 9 qyrkúiekti jyl saiyn atalyp ótetin Qomyz kúni retinde bekitýdi usynatyn qaýlyǵa qol qoidy.
Qaýly jariialanǵan kúnnen bastap kúshine enedi.
Qyrǵyz halqynyń aǵashtan jasalatyn úsh ishekti, pernesiz, shertip oinalatyn ulttyq mýzykalyq aspaby.
