قىرعىز رەسپۋبليكاسىنىڭ پرەزيدەنتٸ سوورونباي جەەنبەكوۆ «قومىز كٷنٸن» بەكٸتۋ تۋرالى قاۋلىعا قول قويدى, دەپ حابارلايدى قازاقپارات اتالمىش ەل باسشىسىنىڭ رەسمي سايتىنا سٸلتەمە جاساپ.
قاۋلىدا اتاپ ٶتٸلگەندەي, دەستٷرلٸ مۋزىكانى قىرعىز حالقىنىڭ رۋحاني مەدەنيەتٸنٸڭ اجىراماس بٶلٸگٸ رەتٸندە قومىزسىز ەلەستەتۋ مٷمكٸن ەمەس.
«قازٸرگٸ تاڭدا قومىز جاڭا مەن-ماڭىزعا يە بولۋى قاجەت. ول قىرعىزستاندىقتاردىڭ مەدەني الۋانتٷرلٸلٸگٸنٸڭ بٸرلٸگٸ سيمۆولىنا اينالۋى تيٸس... وسى رەتتە, قىرعىزستاننىڭ ەتنيكالىق بٸرلەستٸكتەرٸنٸڭ مەدەنيەتارالىق ديالوگىن كەڭەيتۋ ٷشٸن دەستٷرلٸ مۋزىكانىڭ رٶلٸن كٷشەيتۋ كەرەك», - دەلٸنگەن قۇجاتتا.
اتالعان باعىتتا تيٸستٸ جۇمىستار جٷرگٸزۋ ٷشٸن قىرعىز پرەزيدەنتٸ ەل ٷكٸمەتٸنە 9 قىركٷيەكتٸ جىل سايىن اتالىپ ٶتەتٸن قومىز كٷنٸ رەتٸندە بەكٸتۋدٸ ۇسىناتىن قاۋلىعا قول قويدى.
قاۋلى جارييالانعان كٷننەن باستاپ كٷشٸنە ەنەدٸ.
قىرعىز حالقىنىڭ اعاشتان جاسالاتىن ٷش ٸشەكتٸ, پەرنەسٸز, شەرتٸپ وينالاتىن ۇلتتىق مۋزىكالىق اسپابى.
