Elbasy Nursultan Nazarbaev Qyrǵyz Respýblikasynyń Prezidenti Sooronbai Jeenbekovpen telefon arqyly sóilesti. Bul týraly QR Tuńǵysh Prezidentiniń resmi saity habarlady.
«Sooronbai Jeenbekov Elbasyn 80 jyldyq mereitoiymen quttyqtap, myqty densaýlyq, uzaq ǵumyr jáne kópqyrly memlekettik qyzmette jańa jetistikter tiledi.
Qyrǵyzstan Prezidenti Qazaqstannyń sátti damýy jáne onyń halqynyń ál-aýqatynyń ósýi Nursultan Nazarbaevtyń esimimen bailanysty ekenin, al Ult kóshbasshysynyń tájiribesi men bedeli óńirdegi integratsiialyq úderisterdi damytýda mańyzdy ról atqaratynyn atap ótti», - delingen aqparatta.
Óz kezeginde Elbasy S.Jeenbekovke quttyqtaýy úshin alǵysyn bildirip, eki baýyrlas el arasyndaǵy tarihi turǵydan qalyptasqan tatý kórshilik qatynastardyń odan ári nyǵaia túsetinine senim bildirdi.
Telefon arqyly sóilesýge qyrǵyz tarapy bastamashy boldy.
