Qyrǵyzstan prezidenti Almazbek Atambaev keibir BAQ-tar men saiasatkerlerdiń maqsaty eldegi jaǵdaidy turaqsyzdandyrý men memleket basshysynyń bedelin túsirý ekenin málimdedi, - dep habarlaidy "Ult aqparat" kaz.tengrinews.kz portalyna silteme jasap.
"Sońǵy kezderi Qyrǵyzstan Respýblikasynda baspasózdegi sóz bostandyǵy dep urandatyp júrgen táýelsiz jýrnalister, BAQ-tar men saiasatkerler ózderine unamaityn adamdardyń, birinshi kezekte táýelsiz Qyrǵyzstan prezidentiniń atyna kir keltirip, adamdarǵa jala jabý quqyǵyn berýdi talap etip jatyr. Mundai áreketter jekelegen BAQ-tarda, tipti áleýmettik jelilerde byltyr jazdan beri kúsheiip jatyr. Ótirik, ósek-aiań men masqaralaý. Jýrnalister men BAQ-tardyń basty mindeti - adamdarǵa jalǵan aqparat pen ósek-aiań jetkizý emes, shyn ári boiamasyz aqparat pen obektiv derekterdi jetkizý ekenin eske salǵym keledi", - dedi Almazbek Atambaev málimdemesinde.
Atambaevtyń aitýynsha, Qyrǵyzstanǵa beibitshilik, turaqtylyq, birlik pen yntymaqtastyq kerek.
"Qyrǵyzstan azamattaryna táýelsiz jýrnalisterdiń, BAQ-tardyń jáne saiasatkerlerdiń negizgi maqsaty aqiqatty izdeý emes, kerisinshe, qazirgi memleket basshysyna qatysty ósek-aiań taratyp, qarasha aiynda ótetin prezident sailaýy aldynda eldegi jaǵdaidy turaqsyzdandyrý ekenin túsindirý qajet. Elimizdegi tiisti organdarǵa sóz bostandyǵy deitinderge zańdy oryndaý prezidentke qana emes, bárine de mindet ekenin eske salý kerek", - delingen málimdemede.
