Qyrǵyzstan men Tájikstannyń resmi tulǵalary qantógis boldyrmas úshin shekaradaǵy daýly aýdandardy birigip baqylaýǵa kelisti.
Batken oblysynyń sheneýnikteri 18 mamyrda qyrǵyz jaǵyndaǵy Ak-Sai aýyly men tájik jaǵyndaǵy Vorýh aýdany arasynda ortaq baqylaý-ótkizý pýnkti qurylǵanyn málimdedi. Eki eldiń quqyq qorǵaý qyzmetkerleri men shekarashylary osy pýnktide turaqsyz aimaqtaǵy qaýipsizdikti baqylaidy.
Bir kún buryn shekarada Qyrǵyzstan men Tájikstannyń birneshe azamaty ustalyp, qaita bosatylǵany týraly habar taraǵan. Aqparatqa qaraǵanda, Ak-Sai aýyly turǵyndary úsh tájik azamatyn qyrǵyz militsiiasyna ustap bergen. Bir mezgilde tájik jaǵynda da úsh qyrǵyz azamatynyń ustalǵany habarlandy.
Qyrǵyz taraby Tájikstanda qamaýda bolǵan úsh azamattyń soqqyǵa jyǵylǵanyn málimdedi.
Batken oblysy biliginiń habarlaýynsha, qyrǵyz ben tájik delegatsiialary 17 mamyrda qyrǵyz azamattarynyń soqqyǵa jyǵylýyna kinálilerdi jazalaýǵa kelisken. Bul aqparatty tájik delegatsiiasy quramynda bolǵan aty-jónin aitpaǵan resmi tulǵa Azattyq agenttigine rastaǵan.
Úsh apta buryn tájikter shekaradaǵy daýly aýdandarda baqylaý kameralaryn ornatpaq bolyp, sońy qaqtyǵysqa ulasqan edi.
