قىرعىزستان مەن تەجٸكستاننىڭ رەسمي تۇلعالارى قانتٶگٸس بولدىرماس ٷشٸن شەكاراداعى داۋلى اۋدانداردى بٸرٸگٸپ باقىلاۋعا كەلٸستٸ.
باتكەن وبلىسىنىڭ شەنەۋنٸكتەرٸ 18 مامىردا قىرعىز جاعىنداعى اك-ساي اۋىلى مەن تەجٸك جاعىنداعى ۆورۋح اۋدانى اراسىندا ورتاق باقىلاۋ-ٶتكٸزۋ پۋنكتٸ قۇرىلعانىن مەلٸمدەدٸ. ەكٸ ەلدٸڭ قۇقىق قورعاۋ قىزمەتكەرلەرٸ مەن شەكاراشىلارى وسى پۋنكتٸدە تۇراقسىز ايماقتاعى قاۋٸپسٸزدٸكتٸ باقىلايدى.
بٸر كٷن بۇرىن شەكارادا قىرعىزستان مەن تەجٸكستاننىڭ بٸرنەشە ازاماتى ۇستالىپ, قايتا بوساتىلعانى تۋرالى حابار تاراعان. اقپاراتقا قاراعاندا, اك-ساي اۋىلى تۇرعىندارى ٷش تەجٸك ازاماتىن قىرعىز ميليتسيياسىنا ۇستاپ بەرگەن. بٸر مەزگٸلدە تەجٸك جاعىندا دا ٷش قىرعىز ازاماتىنىڭ ۇستالعانى حابارلاندى.
قىرعىز تارابى تەجٸكستاندا قاماۋدا بولعان ٷش ازاماتتىڭ سوققىعا جىعىلعانىن مەلٸمدەدٸ.
باتكەن وبلىسى بيلٸگٸنٸڭ حابارلاۋىنشا, قىرعىز بەن تەجٸك دەلەگاتسييالارى 17 مامىردا قىرعىز ازاماتتارىنىڭ سوققىعا جىعىلۋىنا كٸنەلٸلەردٸ جازالاۋعا كەلٸسكەن. بۇل اقپاراتتى تەجٸك دەلەگاتسيياسى قۇرامىندا بولعان اتى-جٶنٸن ايتپاعان رەسمي تۇلعا ازاتتىق اگەنتتٸگٸنە راستاعان.
ٷش اپتا بۇرىن تەجٸكتەر شەكاراداعى داۋلى اۋدانداردا باقىلاۋ كامەرالارىن ورناتپاق بولىپ, سوڭى قاقتىعىسقا ۇلاسقان ەدٸ.
