Qyrǵyzstan men Tájikstannyń ulttyq qaýipsizdik komitetiniń basshylary Kamchybek Tashiev pen Saimýmin Iatimov baspasóz konferentsiiasyn ótkizip, kelissózder júrgizdi, dep habarlaidy QazAqparat.
Qyrǵyzstan ulttyq qaýipsizdik komitetiniń basshysy Kamchybek Tashiev kelissózder qorytyndysy boiynsha 4 pýnktten turatyn hattama qabyldanǵanyn aitty
«Bul hattama eki eldiń múddesine sáikes keledi. Bizdiń halyqtar qiyn kezeńderdi bastan ótkerýde. Eki elde de tragediia boldy. Bizge jumysty júrgizý qiynǵa soqty, biraq soǵan qaramastan bizdiń memleket basshylarynyń nusqaýymen biz atysty tolyǵymen toqtatyp, barlyq áskeri quramdardy ózderiniń turaqty ornalastyrý oryndaryna alyp ketýge sheshim qabyldadyq. Budan bylai qurmetti kórshilerimizdiń kúsh-jigeri men bizdiń kúsh-jigerimiz arqyly elderimizge, ásirese shekara mańyndaǵy aimaqtarǵa beibitshilik pen tynyshtyq keledi», - deidi Tashiev.
Tájikstan ulttyq qaýipsizdik komitetiniń basshysy Saimýmin Iatimov kelissózder barysynda memleket basshylarynyń bastamasymen nátijeli áńgime bolǵanyn aitty.
«Shekaralas aýdandarda bolǵan qaiǵyly jaǵdai eshqashan qaitalanbaýy kerek. Bul aýmaqta bizdiń halyqtar ómir súretindikten, olar dostyq qarym-qatynasta jáne olardyń arasynda eshqandai kelispeýshilik joq. Biz, saiasatkerler, barlyq máselelerdi sheship, halqymyzǵa dástúrli beibitshilik pen dostyqta ómir súrýge múmkindik berýimiz kerek. Qyrǵyz-tájik jerinde beibitshilik pen turaqtylyqqa qol jetkizý týraly printsiptik kelisim jasaldy. Biz muny istei alatynymyzǵa jáne ony tezirek sheshetinimizge senimdimin jáne bizdiń halyqtarymyz árqashan dostyq pen ózara túsinistik qarym-qatynasta ómir súredi», - deidi ol.
