Qyrǵyzstannyń Syrtqy ister ministrligine Qyrǵyzstandaǵy Belarýs Respýblikasynyń elshilik isindegi ýaqytsha senimdi ýákili S.Ivanov shaqyrtyldy, dep habarlaidy Kabar agenttigine silteme jasap.
«Belarýs prezidenti Aleksandr Lýkashenkonyń Qurmanbek Bakievpen kezdesýi týraly Belarýs Respýblikasy prezidentiniń resmi saitynda jariialanǵan aqparatqa sáikes, 2019 jyldyń 7 tamyzynda Qyrǵyzstan Respýblikasynyń Syrtqy ister ministrligi Qyrǵyzstandaǵy Belarýs Respýblikasynyń elshilik isindegi ýaqytsha senimdi ýákili S.Ivanovty shaqyrdy», - delingen Qyrǵyzstannyń syrtqy saiasi vedomstvosynyń baspasóz qyzmeti taratqan habarlamada.
Kezdesý barysynda Qyrǵyzstanda sottalýshy tulǵamen resmi ashyq bailanysty jalǵastyrýǵa narazylyq bildirilgen Qyrǵyzstan SIM-niń notasy tabystaldy.
«Qyrǵyz tarapy osy kezdesý barysynda Qyrǵyz Respýblikasynyń memlekettik rámizderin qoldanýyna jáne eki memleket arasyndaǵy dostyq pen yntymaqtastyq qaǵidattaryna múldem sáikes kelmeitin qyrǵyz-belarýs dostyǵy týraly sóz qozǵaýǵa jol berilmeidi dep sanaidy.
Qyrǵyz tarapy Belarýs Respýblikasynyń resmi biligin osy jaǵdaiǵa kózqarasty ózgertip, ekijaqty yntymaqtastyqtyń jaǵymdy jaǵyna nazar aýdarýǵa shaqyrady», - dep málimdedi Qyrǵyzstan SIM.
