Qyrǵyz Respýblikasynyń Qaýipsizdik keńesi 22 naýryzdan bastap el aýmaǵynda tótenshe jaǵdai rejimin engizýge usynys jasady, dep habarlaidy "Ult aqparat" Kabar agenttigine silteme jasap.
Agenttik málimetinshe, búgin, 21 naýryzda Qyrǵyzstan Prezidenti Sooronbai Jeenbekovtiń tóraǵalyǵymen Qaýipsizdik keńesiniń kezekti otyrysy ótti. Shaǵyn quramdaǵy otyrysqa memlekettik organdardyń basshylary, Úkimettiń Shý oblysyndaǵy ókiletti ókili, Bishkek meri qatysqan.
Prezident apparatynyń aqparattyq saiasat bóliminiń habarlaýynsha, koronavirýs infektsiiasynyń Qyrǵyzstan aýmaǵynda taralýynyń aldyn alý boiynsha qosymsha sharalar qaralǵan. Respýblikalyq jedel shtab basshysy Qýatbek Boronov koronavirýstyń odan ary taralýyna jol bermeý maqsatynda búkil el aýmaǵynda tótenshe jaǵdai rejimin engizý týraly usynys engizgen.
«Bul máseleni talqylaý nátijesinde shaǵyn quramdaǵy Qaýipsizdik keńesi otyrysyna qatysýshylardyń usynystary eskerile kele sheshim qabyldandy. Atalǵan sheshimge sáikes, Qyryz Respýblikasynyń Premer-Ministri 2020 jylydń 22 naýryzynan bastap el aýmaǵynda 1 ai merzimge tótenshe jaǵdai engizý týraly usynys jasaidy. Qyrǵyz Respýblikasy Úkimetine Qaýipsizdik keńesi hatshylyǵymen birge tótenshe jaǵdai jariialanǵan jaǵdaida jedel áreket etýdiń tiisti josparyn ázirleý tapsyryldy», - dep jazady agenttik.
