قىرعىز رەسپۋبليكاسىنىڭ قاۋٸپسٸزدٸك كەڭەسٸ 22 ناۋرىزدان باستاپ ەل اۋماعىندا تٶتەنشە جاعداي رەجيمٸن ەنگٸزۋگە ۇسىنىس جاسادى, دەپ حابارلايدى "ۇلت اقپارات" كابار اگەنتتٸگٸنە سٸلتەمە جاساپ.
اگەنتتٸك مەلٸمەتٸنشە, بٷگٸن, 21 ناۋرىزدا قىرعىزستان پرەزيدەنتٸ سوورونباي جەەنبەكوۆتٸڭ تٶراعالىعىمەن قاۋٸپسٸزدٸك كەڭەسٸنٸڭ كەزەكتٸ وتىرىسى ٶتتٸ. شاعىن قۇرامداعى وتىرىسقا مەملەكەتتٸك ورگانداردىڭ باسشىلارى, ٷكٸمەتتٸڭ شۋ وبلىسىنداعى ٶكٸلەتتٸ ٶكٸلٸ, بٸشكەك مەرٸ قاتىسقان.
پرەزيدەنت اپپاراتىنىڭ اقپاراتتىق ساياسات بٶلٸمٸنٸڭ حابارلاۋىنشا, كوروناۆيرۋس ينفەكتسيياسىنىڭ قىرعىزستان اۋماعىندا تارالۋىنىڭ الدىن الۋ بويىنشا قوسىمشا شارالار قارالعان. رەسپۋبليكالىق جەدەل شتاب باسشىسى قۋاتبەك بورونوۆ كوروناۆيرۋستىڭ ودان ارى تارالۋىنا جول بەرمەۋ ماقساتىندا بٷكٸل ەل اۋماعىندا تٶتەنشە جاعداي رەجيمٸن ەنگٸزۋ تۋرالى ۇسىنىس ەنگٸزگەن.
«بۇل مەسەلەنٸ تالقىلاۋ نەتيجەسٸندە شاعىن قۇرامداعى قاۋٸپسٸزدٸك كەڭەسٸ وتىرىسىنا قاتىسۋشىلاردىڭ ۇسىنىستارى ەسكەرٸلە كەلە شەشٸم قابىلداندى. اتالعان شەشٸمگە سەيكەس, قىرىز رەسپۋبليكاسىنىڭ پرەمەر-مينيسترٸ 2020 جىلىدڭ 22 ناۋرىزىنان باستاپ ەل اۋماعىندا 1 اي مەرزٸمگە تٶتەنشە جاعداي ەنگٸزۋ تۋرالى ۇسىنىس جاسايدى. قىرعىز رەسپۋبليكاسى ٷكٸمەتٸنە قاۋٸپسٸزدٸك كەڭەسٸ حاتشىلىعىمەن بٸرگە تٶتەنشە جاعداي جارييالانعان جاعدايدا جەدەل ەرەكەت ەتۋدٸڭ تيٸستٸ جوسپارىن ەزٸرلەۋ تاپسىرىلدى», - دەپ جازادى اگەنتتٸك.
