Qyrǵyzstan Qazaqstannyń BTA Bankine 75 million dollar qaitarmaityn boldy.
Qyrǵyz Respýblikasy úkimeti apparatynyń baspasóz qyzmetiniń bergen málimetinshe, daý eki jaqtyń beibit mámilege kelýimen aiaqtaldy.
2011 jyly "Turan Álem Banki" halyqaralyq investitsiialyq arbitrajǵa aryz berip, qyrǵyz úkimetiniń ókilderi men basqa da tulǵalar enshiles bank aktsiialarynyń 71%-yn zańsyz jekeshelendirip aldy dep aiyptaǵan bolatyn.
Banktiń paiymdaýynsha, eki eldiń úkimetteri arasyndaǵy kelisim buzylypty, sol úshin 75 million dollar qarajat talap etken.
Beibit mámilege kelýine bailanysty Qyrǵyzstan eshqandai jaýapkershilikti moinyna almaidy, ótemaqyny da tólemeidi. "Turan Álem Banki" Qyrǵyzstan úkimeti janyndaǵy memlekettik múlikti basqarý qorynan enshiles bank aktsiialarynyń 7,7%-yn satyp alatyn boldy.
