Qyrǵyz halqynyń tanymal aqyny, qomýzshy, manasshy Elmirbek Imanaliev 42 jasynda dúnieden ótti.
Elmirbek Imanaliev 1978 jyly Qyrǵyzstannyń Toqtaǵul aýdany Ózgeris aýylynda týǵan. Qyrǵyz ulttyq filarmoniiasynda, Shý oblystyq drama teatrynda eńbek etken, sońǵy jyldary «Aitys» qoǵamdyq qorynyń aqyndar mektebinde tálimger qyzmetin atqarǵan.
Aqynnyń "Arýýzatym", "Bulbulym", "Jalǵyzdyqtan qajydym", "Qoshtasý valsi", "Munarym", "Balqyma" sekildi óleńderi el aýzynda keńinen taraǵan.
Ol Qazaqstandaǵy ótken aitystarǵa jii qatysqan. Ár jyldary Balǵynbek Imashev, Dáýletkerei Kápuly, Sara Toqtamysova, Meiirbek Sultanhan, tb. qazaq aqyndarymen aitysqa túsip, qazaq aýditoriiasynyń yqylasyna ie bolǵan.
Zamandastary Elmirbek Imanalievti qoǵam ómirinde azamattyq ustanymyn árqashan bildiretin, memleket basqarý isindegi kemshilikterdi tartynbai synaǵan, erkin oily demokrat aqyn dep sipattaidy.
