Foto: ozodi.org
Qyrǵyzstandaǵy Batken oblysynda bolǵan qarýly qaqtyǵys saldarynan qaza tapqandar sany 36-ǵa jetti, - dep habarlaidy Tengrinews.kz.
Batken oblysynan saǵat 10.00-de alynǵan jedel aqparat boiynsha, taǵy 12 qaza tapqan adam, olardyń denesi Batken densaýlyq saqtaý uiymdaryna jetkizilgen.
"Densaýlyq saqtaý ministrligi baspasóz ortalyǵynyń málimetinshe, Batken oblysynda qarýly qaqtyǵys saldarynan qaza tapqandardyń jalpy sany 36-ǵa jetti. Densaýlyq saqtaý uiymdarynda zardap shekken 129 adam bar, onyń 7-i ambýlatorlyq emdelýge jiberildi, 79 adam Bishkekke aýystyryldy", - delingen habarlamada.
Eske salaiyq, eki tarap atysty toqtatý týraly kelisimge kelgenine qaramastan, Qyrǵyzstan men Tájikstan shekarasynda atys qaita bastaldy. Taraptar bir-birin shabýyl jasady dep aiyptap jatyr.
14 qyrkúiekte tańerteń Batken oblysynyń Bulaq-Bashy aýdanynda qarýly qaqtyǵys bolǵan.
