2017 jyldyń 1 qańtary men 14 qarashasy aralyǵynda Qazaqstan aýmaǵynda Qyrǵyzstannyń 22 192 júk kóligi tekserildi. Olardyń 1376-da zań buzýshylyq anyqtalǵan, dep habarlaidy QazAqparat QR IDM baspasóz qyzmetine silteme jasap.
Bul zań buzýshylyqtyń sany 2016 jyldyń kórsetkishinen asyp túsken. Naqtyraq aitqanda, byltyr Qyrǵyzstan tasymaldaýshylary zańnamany 1141 ret buzǵan.
«Eń jii kezdesetin zań buzýshylyqtar - taýar-kólik júk qujatynyń (CMR) bolmaýy (516 ret), salmaq jáne gabarit parametrlerin saqtamaý (288 ret), tez búlinetin júkterdi tasymaldaý sertifikatynyń bolmaýy (288) jáne kabotajdy tasymal jasaý (166 ret)», - dep habarlaidy ministrliktiń baspasóz qyzmetinen.
Vedomstvonyń habarlaýynsha, basqa zań buzýshylyqtardyń qatarynan jolaýshylardy turaqsyz tasymaldaýǵa arnalǵan qazaqstandyq ruqsat blankileriniń bolmaýy, halyqaralyq qatynastaǵy QR-nyń avtokólikpen tasymaldaý júiesiniń ruqsattama erejelerin qoldanýdy buzý, júkterdi tasymaldaý erejelerin buzý jaǵdailaryn atap ótýge bolady.
Sonymen qatar, qyrǵyz tasymaldaýshylary qaýipti júkterdi tasymaldaý erejelerin buzý, órt qaýipsizdik erejelerin buzý jáne taǵy basqa zań buzýshylyqtarǵa jol berip jatady.
