Qyrǵyz tarapy ýaǵdalastyqqa qaramastan sýdy kelisilgen kólemde bermeýi múmkin. Bul týraly QR Ekologiia, geologiia jáne tabiǵi resýrstar vitse-ministri Serik Qojaniiazov aitty, dep habarlaidy QazAqparat.
«Sý az bolǵanda 2021 jylǵy vegetatsiialyq kezeń ońtústik óńirlerde óte qiyn ótti. Ýaqytyly qabyldanǵan sharalardyń nátijesinde fermerlerdi kóp shyǵynsyz sýarmaly sýmen qamtamasyz etýge múmkindik týdy. Osy jyldyń vegetatsiiasy da qiyn jaǵdaida ótedi. Almaty oblysynda sýarý alańy 472 myń gektardy quraidy. Sý resýrstarynyń tapshylyǵyn azaitý maqsatynda oblys ákimdigi ylǵal syiymdy daqyldardyń, onyń ishinde Balqash aýdanynda kúrishtiń 1 myń gektar egistigin tómendetýdi josparlap otyr. Oblystyń barlyq sý qoimalary jinaqtaý rejiminde», - dedi ol ministrliktiń alqa májilisinde.
Onyń atap ótýinshe, Jambyl oblysy boiynsha sýarý alańy - 182 myń gektar.
«Qyrǵyz tarapymen ýaǵdalastyqqa qaramastan, memleketaralyq sý obektileri boiynsha kelisilgen kólemdi tolyq almaý qaýpi bar. Budan basqa, oblys boiynsha sýarý jelilerin qaita qurý boiynsha aýqymdy jumystar júrgizilýde. Sýarmaly sýdy berý ainalma kanaldar arqyly júzege asyrylatyn bolady. Bul tiisinshe sýdyń joǵalýyna ákeledi», - dedi vitse-ministr.
Osyǵan bailanysty ol oblys ákimdigine sý únemdeý tehnologiialaryn barynsha qoldaný, sondai-aq sýarý tehnologiialaryn saqtaý boiynsha fermerlermen túsindirý jumystaryn júrgizý usynylǵanyn aitty.
«Kezektilikti saqtai otyryp, sý ainalymy ádisimen sharýashylyqtar arasynda sý bólý jumysy jalǵasady. Jalpy, osy eki oblys boiynsha aldaǵy vegetatsiia ótken jyldyń deńgeiinde ótedi dep josparlanǵan», - dedi Serik Qojaniiazov.
