Qyrǵyzstandaǵy prezident sailaýynda daýys berý jergilikti ýaqytpen keshki 20.00-de aiaqtaldy. Sońǵy aqparattar boiynsha sailaýǵa qatysqan 1 million 557 myń 225 adamnyń daýysy eseptelgen.
Ortalyq sailaý komissiiasynyń habarlaýynsha, 811 myńnan astam daýys (53%) jinaǵan burynǵy premer-ministr, sotsial-demokrat Sooronbai Jeenbekov alda keledi, dep habarlaidy "Ult aqparat" "RIA Novosti"-ǵa silteme jasap.
Ekinshi oryndaǵy taǵy bir burynǵy premer, kásipker, ońshyl-tsentrist Ómirbek Babanov 504 myńnan (35.62%) asa daýys jinaǵan.
98 myńnan (6.54%) astam daýys jinaǵan oppozitsiialyq saiasatker Adahan Madýmarov úshinshi kele jatyr. Al, saiasatker Temir Sarievtiń enshisinde 37 myńdai daýys bar (2.5%).
Esterińizge sala keteiik, Madýmarovtan basqa úsh kandidat kezinde premer-ministr qyzmetin atqarǵan. Sailaýshylardyń 0,67 paiyzy barlyq kandidattarǵa qarsy daýys bergen. Al, prezident sailaýyna jalpy sany 11 kandidat qatystyryldy.
Naqty aqparatty OSK 20 kúnniń ishinde tolyq jariialaýy tiis. OSK basshysy Nurjan Shaildabekova bul kórsetkishtiń ózgerýi múmkin ekenin aitty. Ol prezident sailaýynyń ekinshi týry bolatyn-bolmaitynyn naqty aita alǵan joq.
Qyrǵyzstannyń zańy boiynsha prezident sailaýynyń alǵashqy týrynda sailaýshylardyń jartysynan astamynyń daýysyn alǵan kandidat birden jeńimpaz dep jariialanady.
