Qyrǵyzstan prezidenti Almazbek Atambaev Máskeýdegi ortalyq klinikalyq aýrýhanadan shyǵyp, elge ketýge daiyndalyp jatyr, - dep málimdedi Reseidegi Qyrǵyzstan elshiliginiń baspasóz-attashesi Gúlbarshyn Baiymbetova.
«Prezident em qabyldaýdy aiaqtady. Onyń jaǵdaiy jaqsy, tekserý nátijeleri de jaqsy. Ol aýrýhanadan shyqty», - degen Baiymbetova. Onyń sózinshe, Atambaevtyń Qyrǵyzstanǵa naqty qai ýaqytta ushyp shyǵatyny belgisiz.
Qyrkúiektiń 20-sy kúni Atambaevtyń baspasóz qyzmeti Qyrǵyzstan prezidentiniń «meditsinalyq tekserýden ótý úshin qysqa merzimdi demalys alǵanyn» habarlaǵan. Onyń aldynda Niý-Iorkke BUU Bas Assambleiasyna bara jatqan jolda júregi syr bergen 60 jastaǵy Atambaev Stambýlda aýrýhanaǵa túsken. Keiin em qabyldaý úshin Resei prezidenti is basqarmasynyń Máskeýdegi ortalyq klinikalyq aýrýhanasyna barǵany týraly aqparat taraǵan.
Ult portaly
