Qyrǵyz Respýblikasynyń Prezidenti Sooronbai Jeenbekov Túrki Akademiiasynyń Prezidenti Darhan Qydyrálimen kezdesti, dep habarlaidy "Ult aqparat" Qyrǵyz Prezidentiniń baspasóz qyzmetine silteme jasap.
Kezdesýge Túrki Akademiiasynyń múshesi, professor Qydyráli Qonqobaev qatysty.
Taraptar bilim jáne ǵylymi zertteýler salasyndaǵy yntymaqtastyq jóninde pikir almasty.
Qyrǵyzstan Prezidenti Túrki akademiiasyna 2018 jyly Shyńǵys Aitmatovtyń 90-jyldyǵyna orai ótken is-sharalardy uiymdastyrýǵa jáne «Manas» eposyn dáripteýge at salysqany úshin alǵys bildirdi.
Sonymen qatar, Sooranbai Jeenbekov túrki áleminiń uly tulǵalaryna, ortaq tarihy pen mádenietine arnalǵan halyqaralyq konferentsiialardy, forýmdar men seminarlar ótkizýdegi Akademiianyń belsendi jumysyna da rizashylyǵyn bildirdi. Ol mádeni-gýmanitarlyq yntymaqtastyqtyń baýyrlas elder arasyndaǵy integratsiiany nyǵaitýda mańyzy zor ekenin atap ótti.
Prezident Sooronbai Jeenbekov Júsip Balasaǵunnyń «Qutty bilik» eńbeginiń 950 jyldyǵyna orai aldaǵy qarasha aiynda Qyrǵyz Respýblikasynda ótkizilgeli otyrǵan halyqaralyq konferentsiianyń joǵary deńgeide ótetinine senim bildirdi.
Óz kezeginde Túrki akademiiasynyń prezidenti Darhan Qydyráli Túrkitildes memleketter yntymaqtastyǵy keńesiniń (Túrki keńesi) isbasyndaǵy tóraǵasy – Qyrǵyz Respýblikasynyń Prezidentin Akademiianyń qazirgi atqaryp jatqan irgeli isterimen jáne aldaǵy mańyzdy mindetterimen tanystyrdy.
Darhan Qydyráli túrki tarihy men mádenietin áriqarai keń tanyta túsý maqsatynda Qyrǵyzstannyń ǵylymi jáne bilim berý uiymdarymen áriptestik bailanystardy tereńdete túsýge daiyn ekenin bildirdi.
