قىرعىز رەسپۋبليكاسىنىڭ پرەزيدەنتٸ سوورونباي جەەنبەكوۆ تٷركٸ اكادەميياسىنىڭ پرەزيدەنتٸ دارحان قىدىرەلٸمەن كەزدەستٸ, دەپ حابارلايدى "ۇلت اقپارات" قىرعىز پرەزيدەنتٸنٸڭ باسپاسٶز قىزمەتٸنە سٸلتەمە جاساپ.
كەزدەسۋگە تٷركٸ اكادەميياسىنىڭ مٷشەسٸ, پروفەسسور قىدىرەلٸ قونقوباەۆ قاتىستى.
تاراپتار بٸلٸم جەنە عىلىمي زەرتتەۋلەر سالاسىنداعى ىنتىماقتاستىق جٶنٸندە پٸكٸر الماستى.
قىرعىزستان پرەزيدەنتٸ تٷركٸ اكادەميياسىنا 2018 جىلى شىڭعىس ايتماتوۆتىڭ 90-جىلدىعىنا وراي ٶتكەن ٸس-شارالاردى ۇيىمداستىرۋعا جەنە «ماناس» ەپوسىن دەرٸپتەۋگە ات سالىسقانى ٷشٸن العىس بٸلدٸردٸ.
سونىمەن قاتار, سوورانباي جەەنبەكوۆ تٷركٸ ەلەمٸنٸڭ ۇلى تۇلعالارىنا, ورتاق تاريحى پەن مەدەنيەتٸنە ارنالعان حالىقارالىق كونفەرەنتسييالاردى, فورۋمدار مەن سەمينارلار ٶتكٸزۋدەگٸ اكادەمييانىڭ بەلسەندٸ جۇمىسىنا دا ريزاشىلىعىن بٸلدٸردٸ. ول مەدەني-گۋمانيتارلىق ىنتىماقتاستىقتىڭ باۋىرلاس ەلدەر اراسىنداعى ينتەگراتسييانى نىعايتۋدا ماڭىزى زور ەكەنٸن اتاپ ٶتتٸ.
پرەزيدەنت سوورونباي جەەنبەكوۆ جٷسٸپ بالاساعۇننىڭ «قۇتتى بٸلٸك» ەڭبەگٸنٸڭ 950 جىلدىعىنا وراي الداعى قاراشا ايىندا قىرعىز رەسپۋبليكاسىندا ٶتكٸزٸلگەلٸ وتىرعان حالىقارالىق كونفەرەنتسييانىڭ جوعارى دەڭگەيدە ٶتەتٸنٸنە سەنٸم بٸلدٸردٸ.
ٶز كەزەگٸندە تٷركٸ اكادەميياسىنىڭ پرەزيدەنتٸ دارحان قىدىرەلٸ تٷركٸتٸلدەس مەملەكەتتەر ىنتىماقتاستىعى كەڭەسٸنٸڭ (تٷركٸ كەڭەسٸ) ٸسباسىنداعى تٶراعاسى – قىرعىز رەسپۋبليكاسىنىڭ پرەزيدەنتٸن اكادەمييانىڭ قازٸرگٸ اتقارىپ جاتقان ٸرگەلٸ ٸستەرٸمەن جەنە الداعى ماڭىزدى مٸندەتتەرٸمەن تانىستىردى.
دارحان قىدىرەلٸ تٷركٸ تاريحى مەن مەدەنيەتٸن ەرٸقاراي كەڭ تانىتا تٷسۋ ماقساتىندا قىرعىزستاننىڭ عىلىمي جەنە بٸلٸم بەرۋ ۇيىمدارىمەن ەرٸپتەستٸك بايلانىستاردى تەرەڭدەتە تٷسۋگە دايىن ەكەنٸن بٸلدٸردٸ.
