Qyrǵyzstan premer-ministri Sapar Isakov Qazaqstanǵa jumys saparymen keledi. Bul týraly Qyrǵyz respýblikasynyń úkimet saitynda habarlandy, - dep jazady kaz.tengrinews.kz tilshisi.
Sapar 2017 jyldyń 18 qazanyna josparlanǵan.
"Qazaqstan Respýblikasy men Qyrǵyzstan Respýblikasynyń úkimet basshylarynyń 17 qazanda telefon arqyly áńgimesinde múmkin bolǵan kelisimder boiynsha Qyrǵyz Respýblikasynyń premer-ministri Sapar Isakov búgin, 18 qazanda Qazaqstan Respýblikasy, Astana qalasyna jumys saparymen barady", - delingen Qyrǵyz Respýblikasy úkimetiniń saityndaǵy habarda.
Qazirgi ýaqytta eki eldiń shekarasynda baqylaý kúsheitilgen. Qazaqstan úkimetiniń músheleri respýblikanyń óz zańnamasynyń aiasynda áreket etip otyrǵanyn málimdegen.
