Otandyq shoý-biznes juldyzdary Qydyráli Bolman men Qaraqat Ábildina jaqyn arada Yrza Tursynzadamen aradaǵy istiń aq-qarasyn aitatynyn málimdedi, dep habarlaidy Sputnik Qazaqstan.
Eske sala ketsek, tanymal qolónershi Yrza Tursynzada Qydyráli Bolman men Qaraqat Ábildinany on jyldan beri jalǵa alyp otyrǵan kottedjin tartyp aldy dep aiyptaǵan edi. Aitýynsha, ánshiler "Altyn Orda" halyqaralyq qolónershiler akademiiasynyń ǵimaratyn dizainer issaparmen óńirlerdi aralap júrgende tartyp alypty.
"Men talai adamdy ol ortalyqta qolónerge baýlydym. Sonymen qatar onda tegin sheberlik saǵattary ótetin stýdiia ornalasty, ultymyzdyń biregei jádigerleri saqtalǵan. Bizdiń esigimiz árdaiym ashyq edi. Ákimdik qyzmetkerleri qalaǵan ýaqytynda kelip, kire alatyn. Keiin men ákimdik qyzmetkerlerinen kelisimsharttyń Qydyráli Bolmannyń qolyna qalai túskenin suradym. Sóitsem, kelisimshart "Aisultan LTD" kompaniiasymen jasalypty. Al sáýirde Almaty aýdandyq sotynyń syrttai sheshimi negizinde esikti bolgarkamen kesip, esh eskertýsiz kirgen. Sot sheshimi jazylǵan konvertti meniń áriptesime usynǵan. Jeke basqa qol suǵýshylyq bolmaý úshin, áriptesim bul hatty ashpaǵan", — degen edi Tursynzada jýrnalistermen ótken baspasóz máslihatynda.
Alaida, Qydyráli Bolman áleýmettik jelide Yrza Tursynzadanyń sózderin joqqa shyǵaryp otyr.
"Qurmetti BAQ ókilderi jáne áleýmettik jeli qoldanýshylary! Bizge qatysty shýdyń jeli tez kóterilýde. Bul qyp-qyzyl jala! Ishinde qańbaq sóz de, ǵaibat sóz de óte kóp. Yrza Tursynzada apaiymyzben aradaǵy istiń aq-qarasyn ashyq aitatyn kún alys emes", — dep jazdy prodiýser instagramdaǵy jeke paraqshasynda.
Ol jaqyn arada jýrnalistermen kezdesip, zańdy qujattar men faktiler boiynsha jaýap berýdi josparlap otyrǵanyn aitty.
"Ótetin orny men ýaqyty tolyǵyraq taǵy xabarlanady. Ázirge aitarym osy ǵana", — dedi ol.
