وتاندىق شوۋ-بيزنەس جۇلدىزدارى قىدىرەلٸ بولمان مەن قاراقات ەبٸلدينا جاقىن ارادا ىرزا تۇرسىنزادامەن اراداعى ٸستٸڭ اق-قاراسىن ايتاتىنىن مەلٸمدەدٸ, دەپ حابارلايدى Sputnik قازاقستان.
ەسكە سالا كەتسەك, تانىمال قولٶنەرشٸ ىرزا تۇرسىنزادا قىدىرەلٸ بولمان مەن قاراقات ەبٸلدينانى ون جىلدان بەرٸ جالعا الىپ وتىرعان كوتتەدجٸن تارتىپ الدى دەپ ايىپتاعان ەدٸ. ايتۋىنشا, ەنشٸلەر "التىن وردا" حالىقارالىق قولٶنەرشٸلەر اكادەميياسىنىڭ عيماراتىن ديزاينەر ٸسساپارمەن ٶڭٸرلەردٸ ارالاپ جٷرگەندە تارتىپ الىپتى.
"مەن تالاي ادامدى ول ورتالىقتا قولٶنەرگە باۋلىدىم. سونىمەن قاتار وندا تەگٸن شەبەرلٸك ساعاتتارى ٶتەتٸن ستۋدييا ورنالاستى, ۇلتىمىزدىڭ بٸرەگەي جەدٸگەرلەرٸ ساقتالعان. بٸزدٸڭ ەسٸگٸمٸز ەردايىم اشىق ەدٸ. ەكٸمدٸك قىزمەتكەرلەرٸ قالاعان ۋاقىتىندا كەلٸپ, كٸرە الاتىن. كەيٸن مەن ەكٸمدٸك قىزمەتكەرلەرٸنەن كەلٸسٸمشارتتىڭ قىدىرەلٸ بولماننىڭ قولىنا قالاي تٷسكەنٸن سۇرادىم. سٶيتسەم, كەلٸسٸمشارت "ايسۇلتان لتد" كومپانيياسىمەن جاسالىپتى. ال سەۋٸردە الماتى اۋداندىق سوتىنىڭ سىرتتاي شەشٸمٸ نەگٸزٸندە ەسٸكتٸ بولگاركامەن كەسٸپ, ەش ەسكەرتۋسٸز كٸرگەن. سوت شەشٸمٸ جازىلعان كونۆەرتتٸ مەنٸڭ ەرٸپتەسٸمە ۇسىنعان. جەكە باسقا قول سۇعۋشىلىق بولماۋ ٷشٸن, ەرٸپتەسٸم بۇل حاتتى اشپاعان", — دەگەن ەدٸ تۇرسىنزادا جۋرناليستەرمەن ٶتكەن باسپاسٶز مەسليحاتىندا.
الايدا, قىدىرەلٸ بولمان ەلەۋمەتتٸك جەلٸدە ىرزا تۇرسىنزادانىڭ سٶزدەرٸن جوققا شىعارىپ وتىر.
"قۇرمەتتٸ باق ٶكٸلدەرٸ جەنە ەلەۋمەتتٸك جەلٸ قولدانۋشىلارى! بٸزگە قاتىستى شۋدىڭ جەلٸ تەز كٶتەرٸلۋدە. بۇل قىپ-قىزىل جالا! ٸشٸندە قاڭباق سٶز دە, عايبات سٶز دە ٶتە كٶپ. ىرزا تۇرسىنزادا اپايىمىزبەن اراداعى ٸستٸڭ اق-قاراسىن اشىق ايتاتىن كٷن الىس ەمەس", — دەپ جازدى پروديۋسەر ينستاگرامداعى جەكە پاراقشاسىندا.
ول جاقىن ارادا جۋرناليستەرمەن كەزدەسٸپ, زاڭدى قۇجاتتار مەن فاكتٸلەر بويىنشا جاۋاپ بەرۋدٸ جوسپارلاپ وتىرعانىن ايتتى.
"ٶتەتٸن ورنى مەن ۋاقىتى تولىعىراق تاعى xابارلانادى. ەزٸرگە ايتارىم وسى عانا", — دەدٸ ول.
