Qymbat sheteldik kólikterdi satyp alǵan memlekettik organdardyń laýazymdy tulǵalaryna qatysty sharalar qoldanyldy. QR premer-ministri Baqytjan Saǵyntaevtyń sózinshe, bul týraly "Aq jol" partiiasy múshesiniń depýtattyq saýalǵa bergen jaýabynda aitylady, - dep habarlaidy "Ult aqparat" Tengrinews.kz agenttigine silteme jasap.
Saǵyntaev osyǵan deiin májilismenderdiń 2017 jyldyń 18 mamyryndaǵy № DZ-138 depýtattyq saýalynyń aiasynda barlyq ortalyq jáne jergilikti atqarýshy organdar men olardyń vedomstovoaralyq uiymdaryna eskertý jasalyp, qymbat kólik satyp alǵanda talaptardy oryndaýy qajettigi jaily aitqan bolatyn.
"Biraq osy tapsyrmalar oryndalmaǵan jaǵdailar boldy. Osyǵan bailanysty shetelden ákelingen qymbat kólikterdi satyp alǵan jaýapty laýazymdy tulǵalarǵa qatysty qoldanylǵan sharalardy Qarjy ministrliginiń ókilderi aitatyn bolady", - dedi Saǵyntaev.
Sondai-aq, Memleket basshysynyń Qazaqstan halqyna 2017 jyldyń 31 qańtarynda joldaǵan joldaýynda Úkimettegilerge memlekettik tapsyrystarmen jumys isteýdiń biryńǵai júiesin engizýdi tapsyrǵany aitylady. Osy tapsyrmany júzege asyrý maqsatynda memlekettik tapsyrystar máselesi boiynsha zań jobasy qarastyrylyp jatyr.
