Qazaqstannyń keibir zańnamalyq aktilerine qylmystyq jolmen alynǵan kiristerdi zańdastyrýǵa jáne terrorizmdi qarjylandyrýǵa qarsy is-qimyl máseleleri boiynsha ózgerister men tolyqtyrýlar engiziledi, dep habarlaidy "Ult aqparat".
Bul týraly QR Parlamenti Májilisi Qarjy jáne biýdjet komitetiniń tóraiymy Gúljan Qaraǵusova Májilistiń jalpy otyrysynda aitty.
«Atalǵan zań jobasy Májiliske 2019 jyly 27 maýsymda engizildi. Zań jobasyn engizý maqsattary qoldanystaǵy zańnamada bar quqyqtyq olqylyqtardy joiýǵa, qylmystyq jolmen alynǵan kiristerdi zańdastyrýǵa jáne terrorizmdi qarjylandyrýǵa qarsy is-qimyl salasynda zańnamany halyqaralyq standartqa sáikestendirýge baǵyttalǵan. Qarjy jáne biýdjet komiteti osy zań jobasy boiynsha 2020 jyly 22 sáýirge deiingi merzimde qorytyndy ázirleýge daiyn. Qoldaýlaryńyzdy suraimyz», - dedi Gúljan Qaraqusova.
Jalpy otyrysqa qatysqan 104 depýtat zań jobasyn maquldady.
