Almatyda 3,9 mlrd teńgeni qolma-qol aqshaǵa aýdarǵan qylmystyq top músheleri sottaldy, dep habarlaidy "Ult aqparat" Qarjylyq monitoring agentiginiń baspasóz qyzmetine silteme jasap.
Agenttiktiń Almaty qalasy boiynsha Ekonomikalyq tergep-tekserý departamenti 2017-2019 jyldar aralyǵynda oǵan qomaqty somany qolma-qol aqshaǵa aýdarǵan qylmystyq topty anyqtady. Olar ózderine baǵynyshty 7 kompaniia arqyly 3,9 mlrd teńgeni qolma-qol aqshaǵa aýdarǵan.
Is figýranttary 6 adam, onyń ishinde burynǵy qarjy politsiiasynyń qyzmetkeri men bir banktiń bólimshesiniń basshysy bar.
«Sot úkimimen aiyptalýshylar Qylmystyq kodekstiń 28-baby 5-bóligi, 216-babynyń 3-bóligi (naqty jumystardy oryndamai, qyzmetterdi kórsetpei jáne taýarlardy jóneltpei shot-faktýralar jazyp berý boiynsha áreketter jasaý) boiynsha kináli dep tanylyp, bas bostandyǵynan aiyrý túrindegi ártúrli jaza merzimine sottaldy. Qylmystyq top músheleriniń múligi memleket kirisine alyndy», delingen habarlamada.
2020 jyly atalmysh departament Qylmystyq kodekstiń 2016-baby boiynsha 85 qylmystyq is qozǵady, sonyń ishinde jalǵan firmalardyń bank shottarynan qarajatty qolma-qol aqshaǵa ainaldyrý salasyndaǵy qylmystyq topty qurý jáne oǵan basshylyq etýdiń 3 faktisi anyqtaldy.
