2020 jyldyń 1-toqsanynda qylmystyq qýdalaýdan boi tasalap júrgen qazaqstandyqtardyń 60 paiyzy óz erikterimen quqyq qorǵaý organdaryna keldi.
Bul týraly QR Sybailas jemqorlyqqa qarsy is-qimyl agenttigi Strategiia jáne jedel basqarý departamentiniń basshysy Nurlan Jaqsymbetov aitty, dep habarlaidy QazAqparat tilshisi.
«Jumysymyzdyń basty baǵyttarynyń biri - qylmystyq qýdalaýdan jaltaryp júrgen azamattardy izdeý. Bul baǵyt jetildirilip jatyr jáne óziniń tiimdiligin kórsetip otyr. Osy jyldyń 1-toqsanynda ǵana ótken jyldyń dál osyndai kezeńimen salystyrǵanda 5 ese kóp qylmysker izdestirilip ustaldy», - dedi ol.
Onyń atap ótýinshe, qylmystyq qýdalaýdan jaltaryp júrgen adamdardyń jaqyn týystarymen jáne dostarymen áńgimelestirý túrindegi izdestirý ádisi tiimdiligin kórsetip otyr.
«Ilandyrý, sendirý ádisiniń arqasynda osy jyly izdeýde júrgenderdiń jalpy sanynyń 60 paiyzy óz erikterimen keldi», - dedi Nurlan Jaqsymbetov.
