Almatyda reketter atys shyǵardy. Oqiǵanyń mán-jaiy tergelip jatyr. Banda jergilikti kásipkerge alym-salyq salýǵa árekettengen. Búginde bir kúdikti ustaldy, - dep habarlaidy Tengrinews.kz agenttigi KTK telearnasyna silteme jasap.
Dúkendi jalǵa alǵan er adam janjaldyń ortasynda qalǵan. Ol bir top adam kelip, aqsha talap etkenin aitty.
"Olar kelip, jańa qojaiyn kim ekenin surady. Dúkenniń qazirgi jańa iesi ekenimdi aittym. Olar: "Burynǵy iesi bizge alym tóledi. Sen tóleisiń be?" - dep surady. Men: "Joq, bermeimin" dedim. Sosyn olar: "Bul sondai aýdan. Biz mundaǵy qylmys áleminiń avtoritetimiz", - dep Andrei Rojkov kezdesýdiń jai-japsaryn aityp berdi.
Onyń aitýynsha, reketter ony qorqytyp-úrkitpegen. Rojkov olar qandai adam ekenin bilý úshin dosyna telefon soqqan. Al ol sóilesip berýge ýáde bergen.
Andrei Rojkovtyń dosy tanysymen kelgen. Olar ne týraly sóileskenin dúkenniń jalǵa alýshysy bilmeidi. Biraq nátije shyqpaǵan siiaqty.
Keiin bopsalaýshylar travmatikalyq tapanshadan oq atqan. Rojkovty qorǵaýǵa kelgenderdiń biriniń jaq súiegine oq tigen. Er adamǵa ota jasaldy. Ol qazir esin jiǵan, biraq sóilei almaidy. Ekinshisiniń mańdai súiegine oq tiip, tesilgen. Ol aýyr halde aýrýhanaǵa jetkizildi.
"Mańdai súieginiń synýy, midyń qatty qabyǵy zaqymdanǵan, shuǵyl operatsiiaǵa jiberildi. Operatsiiadan keiingi jaǵdaiy turaqtaldy. Naýqas jansaqtaý bóliminde, oiandy. Jaǵdaiy turaqtalǵannan keiin naýqas neirohirýrgiia bólimine aýystyryldy. Jaǵdaiy turaqty, ómirine qaýip tónip turǵan joq", - dedi Almaty qalalyq ortalyq klinikalyq aýrýhanasynyń neirohirýrgiia bólimi meńgerýshisi Marat Almatov.
Shabýyl jasaýshylardyń biri ustalǵan. Qazir ol izoliatorda otyr. Ol jeti jylǵa deiin bas bostandyǵynan aiyrylýy múmkin.
