Elimizde 1 aqpannan bastap koronavirýs infektsiiasyna qarsy vaktsinatsiia naýqany bastalǵan belgili. Alǵashqy kezeńde negizinen meditsina qyzmetkerlerine ekpe júrgizilip jatyr. Sonyń biri - elordadaǵy №15 qalalyq emhananyń mobildi brigadasynyń meiirbikesi Anar Áshimova ekpe alǵan 1 aptadan keiingi áserin bólisti, dep habarlaidy QazAqparat.
«Koronavirýsqa qarsy ekpe saldyrǵannan keiingi alashqy sátte ózimdi jaqsy sezingen edim. Degenmen, vaktsinadan soń ekinshi, úshinshi kúnde denemde álsizdik baiqalyp, basym aýyrǵandai kúi keshtim. Biraq, ýaqyt óte kele mundai simptomdar birtindep joiyldy. Qazir vaktsina alǵanyma bir aptadan astam ýaqyt ótti jáne ózimdi jaqsy sezinemin», - dedi ol.
Osy rette meditsina qyzmetkeri koronavirýsty jeńip, qalypty ómirge tezirek qaita oralýymyz úshin vaktsinatsiia jasaý qajettiligin basa aitady.
«Vaktsina jasatqan durys. Óitkeni, ol bizdi túrli bakteriialardan, virýstan qorǵaidy. Sondyqtan da vaktsina alýdan esh qorqýdyń qajet joq. Óitkeni, ol bizdiń aǵzamyzǵa kúsh-qýat berýmen qatar túrli infektsiiadan qorǵaidy. Negizi, vaktsina saldyrǵan adamdarda asa qaýipti virýstyq aýrýlar jeńil túrde ótedi. Jalpy, adamdar sanitarlyq-epidemiologiialyq talaptardy qatań saqtap, osynaý qiyn kezeńde sabyrlyq tanyta bilse, ózderin kútinse maskasyz ómirge tezirek oralamyz», - dedi Anar Áshimova.
