Qazaqstanda vaktsinatsiialaý naýqany bastalǵan sátten beri koronavirýsqa qarsy shamamen 1,8 mln doza vaktsina qoldanyldy. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Vaktsina jetkizý josparǵa sai júrgizilip jatyr. Sáýir aiynyń sońynda aqpannan bastap ósim qorytyndysymen vaktsinanyń 2,3 mln dozasy jetkizildi. Vaktsinatsiialaý qarqyn alyp kele jatyr. Máselen, 1 sáýirmen salystyrǵanda, táýlik ishinde birinshi jáne ekinshi dozamen egilgenderdiń sany 12 esege artyp, táýligine 11 myńnan 135 myń adamǵa deiin ulǵaidy», - dedi ministr.
Onyń atap ótýinshe, halyqty egý jumysyna 11 myń medtsina qyzmetkeri, 1 myńnan astam statsionarlyq egý pýnkti jáne 400 jyljymaly pýnkt jumyldyrylǵan. Vaktsinatsiialaý pýnktteri 2 aýysymmen saǵat 24-00-ge deiin jáne demalys kúnderi de jumys istep jatyr.
«Qazaqstanda vaktsinatsiialaý naýqany bastalǵan sátten beri koronavirýsqa qarsy shamamen 1,8 mln doza vaktsina qoldanyldy. Degenmen, óńirlerdiń ákimderi qazirgi ýaqytta aýyl turǵyndaryn vaktsinatsiialaýǵa nazar aýdarǵany jón. Bul maqsatqa jyljymaly meditsinalyq keshenderdiń múmkindikterin jan-jaqty paidalaný qajet», - dedi Aleksei Tsoi.
