Sýret: QR úkimeti
Senat otyrysynda joǵary aýditorlyq palata tóraǵasy Álihan Smaiylov kvazimemlekettik sektor sýbektileri 2023 jyly respýblikalyq biýdjetten 1,2 trln teńgege jýyq qarjy alǵanyn aitty, dep habarlaidy "Ult aqparat" Stan.kz aqparat agenttigine silteme jasap.
Al olardyń paidalanbaǵan qarajaty jyl qorytyndysy boiynsha ótken kezeńmen salystyrǵanda 2,5 eseden astam ósken.
Budan bólek, igerilmegen taǵy 383 milliard teńge anyqtalǵan. Bul qarajat kvazimemlekettik sektor sýbektilerine bólinip, shottarda ornalastyrylyp, alaida, paidalanylmaǵan.
"Kvazimemlekettik sektordyń biýdjetti josparlaý jáne ony oryndaý kezinde qarajatty igermegeni jáne tómen nátijesi úshin memlekettik organdarmen teń dárejede parlament alańynda jaýap beretin ýaqyty keldi", – deidi Smaiylov.
Sonymen qatar ol qarajatty baqylaý shottarynda jyldar boiy jinamai, ekonomikaǵa jáne qazaqstandyqtardyń igiligi úshin paidalaný kerek ekenin aitady.
