Biyl kúzde mádeniet jáne arhiv salasynyń barlyq deńgeidegi qyzmetkerleriniń ailyǵy ósýi múmkin. Mádeniet jáne sport ministri Aqtoty Raiymqulova ortalyq kommýnikatsiialar qyzmetinde ótken brifingide osyndai málimet aitty, dep habarlaidy QazAqparat.
«Sońǵy 12 jylda mádeniet salasynda, ásirese oblystyq deńgeidegi mádeniet, óner, mýzei qyzmetkerleriniń eńbekaqysy óspegen bolatyn. 2020 jyldyń qańtarynda mádeniet pen arhiv salasyndaǵy respýblikalyq uiym qyzmetkerleriniń ailyǵy 50 paiyzǵa, jergilikti deńgeidegi qyzmetkerlerdiń ailyǵy 35 paiyzǵa kóbeitilgen bolatyn», - degen sala jetekshisi biylǵy josparǵa pandemiianyń keri áser etip jatqanyn jetkizdi.
«2020-2021 jyldarda pandemiiaǵa bailanysty biýdjet shyǵyndar qaita-qaita túzetilip jatyr. Biyl kúzde eldegi epidemiologiialyq jaǵdai túzelse Qarjy ministrligi biz bergen ótinimdi maquldaidy dep oilaimyz. Negizinde Úkimet mádeniet pen arhiv salasyndaǵy barlyq deńgeidegi qyzmetkerlerdiń ailyǵyn kóbeitý týraly bastamamyzdy qoldap otyr. Kúzde kezekti ósim bolady dep oilaimyn», - deidi Aqtoty Raiymqulova.
Ministr biyl eki teatrǵa akademiialyq mártebe, 5 uiymǵa ulttyq mádeniet nysan ataǵy berilgenin eske salyp, sonyń arqasynda atalǵan nysandardaǵy qyzmetkerlerdiń ailyǵy ósetinin málim etti.
«Mádeniet uiymdarynda ailyqpen birge baspana máselesi de ózekti. Qazaqstan iopetekalyq kompaniiasymen memorandýmǵa qol qoiǵan bolatynbyz. Sonyń aiasynda 2020 jyldan bastap páterler bere bastadyq. Biyl da, aldaǵy jyly da bul jumys jalǵasady», - dedi Mádeniet jáne sport ministri.
